Отан қорғаушылар монументі – батырларға тағзым

Отан қорғаушылар монументі – еліміздің батыр ұл-қыздарына арналған маңызды ескерткіштердің бірі. Бұл мемориал 2001 жылы 7 мамыр күні елордада ашылды. Ол бүгінгі Астана қаласындағы Тәуелсіздік даңғылы мен Қажымұқан Мұңайтпасов даңғылы қиылысында орналасқан. Ескерткіш еліміздің тәуелсіздігі мен Отанды қорғаған ерлердің ерлігін еске алу үшін тұрғызылған.

Мемориалдың ең басты бөлігі – биіктігі 37,5 метр болатын алып қола баған. Оның төбесінде алтын түстес ана мүсіні орналасқан. Ақ кимешек киген ана қолына алтын тостаған ұстап, оны алға қарай ұсынып тұр. Ана бейнесі – мемориалдың жүрегі. Бұл бейне – қазақ халқының ежелгі дәстүрін білдіреді. Қазақта қонақты ақ ұсынып қарсы алу – үлкен құрметтің белгісі. Сонымен қатар, ана бейнесі соғысқа кеткен жарын, алыста жүрген ұл-қыздарын сағынып күткен барлық аналардың мейірімі мен үмітін білдіреді. Сондықтан бұл мүсін бүкіл қазақ әйелдерінің мейірімділігі мен сабырын көрсетеді.

Бірлік пен достықтың белгісі ретінде ескерткіштің ұшар басында 121 алтын масақ бар. Масақтар – молшылықтың, бейбіт өмірдің және бірліктің символы. Олар Қазақстанда тұратын көптеген ұлттардың татулығын білдіреді. Бағанның төменгі бөлігінде әр халықтың мәдениеті мен рухани мұрасын көрсететін ұлттық ою-өрнектер бейнеленген. Бұл – еліміздегі достық пен келісімнің көрінісі. Тарихты бейнелейтін көріністер монументтің бүйір жақтарында ерекше мүсіндер бар. Бір жағында – ежелгі заманда туған жерін қорғаған батырлар бейнеленген. Екінші жағында – Екінші дүниежүзілік соғыс жылдарында ерлік көрсеткен қазақстандық сарбаздардың бейнесі бар.

Бұл мүсіндер біздің ата-бабаларымыздың елді қорғау жолындағы батылдығын көрсетеді. Сонымен қатар, соғыста қаза тапқан жауынгерлерге және бүгінгі ардагерлерге деген құрметті білдіреді. Ұлы Жібек жолының белгісі яғни ескерткіш композициясында жер шарының бейнесі де бар. Онда ежелгі керуендер жүріп өткен Ұлы Жібек жолы көрсетілген. Керуендер түркі әлемінің көне қалаларының бірі – Түркістан арқылы өтіп, қасиетті Қожа Ахмет Ясауи кесенесі маңына соғады. Бұл көрініс қазақ жерінің ежелден мәдениет пен сауда жолдарының тоғысқан мекені болғанын білдіреді. Маңызды мерекеге орай ашылған мемориал Қазақстан тәуелсіздігінің 10 жылдығы қарсаңында салынды. Ол сондай-ақ Жеңіс күні мерекесінің 56 жылдығына және Қазақстан Қарулы Күштерінің құрылғанына 10 жыл толуына орай ашылған. Балаларға ой салатын ескерткіш «Отан қорғаушылар» мемориалы – тек әдемі сәулет туындысы ғана емес. Ол жас ұрпаққа батырлық, елге деген сүйіспеншілік және бірлік туралы ой салады. Бұл ескерткішке келген әр адам батырлардың ерлігі мен аналардың мейірімін еске алып, Отанды қорғаудың қаншалықты маңызды екенін түсінеді. Сондықтан еліміздің тарихын білгісі келетін балалар үшін бұл мемориал – үлкен тағылым мен мақтаныштың символы.

Ә.Қабиденұлы