Эстетикалық топтық гимнастика

22-24 қараша күндері Эстонияның Тарту қаласында эстетикалық топтық гимнастикадан әлем чемпионаты өтті. Чемпионта жүлдегерлері елге оралып, жанкүйерінің қошеметіне бөленді.
Әлем чемпионатына әлемнің 19 елінен 447 спортшы қатысты.

Эстетикалық топтық гимнастика-бүкіл дененің стильдендірілген, табиғи қимылдарына негізделген спорт түрі. Бұл спорт түріне табиғи рақым мен күшпен орындалатын гармоникалық, ырғақты және динамикалық элементтер кіреді. Композицияда дененің әмбебап және әртүрлі қозғалыстары болуы керек, мысалы, толқындар мен тербелістер, секірулер мен секірулер, спиральды бұрылыстар және тануевальды қадамдар. Ол үшін икемділік, жылдамдық, күш, үйлестіру және күш-жігерсіз қозғалу мүмкіндігі қажет.

Қазақстан намысын қорғаған 6 команда арасынан ересектер санатында
елордалық Samruk командасы және жасөспірімдер санатында Alan-Junior командасы үшінші орын иеленіп, қола жүлдеге қол жеткізді. Айта кету керек, бұл жетістік қос команда үшін биылғы алғашқы жеңіс емес. Бұған дейін олар Гонконгте өткен Азия чемпионатында да жүлделі орындарға ие болған.

Эстетикалық гимнастика — денсаулық аспектісіне негізделген ең әдемі спорт түрі. Ол әлемде өткен ғасырдың елуінші жылдарынан бастап дами бастады, Финляндияда пайда болды. 2003 жылдан бастап Халықаралық эстетикалық топтық гимнастика федерациясы бар. Қазіргі уақытта оның құрамына 49 ел кіреді, осы спорт түрінің Олимпиада ойындарының бағдарламасына енуі үшін үлкен әлеует бар.

«Әлем чемпионатына тыңғылықты дайындалып, жүлдеге қол жеткізуді мақсат еттік. Бәсеке тартысты әрі эмоцияға толы болды. Бұл жетістігімізге
бапкерлеріміздің, академиямыздың және ата-анамыздың қолдауының арқасында жеттік. Барлығына шексіз алғыс білдіреміз», – деді команда мүшесі
Ақерке Оңғарбай.

Қазақстан құрамасы эстетикалық гимнастикадан әлем чемпионатына 2019 жылдан бастап тұрақты түрде қатысып келеді. 2022 жылы Аустрияда өткен жаһандық сайыста командалық есепте қола жүлде жеңіп алса, 2023 жылы Алматыда тұңғыш рет өткен әлемдік додада жасөспірімдер санатында Астананың «Самұрық» командасы қола жүлдені еншілеген еді.

Махсұтхан Жанель,
9 «Ә» сынып,
№96 мектеп гимназиясы, Астана қаласы