Бағың жансын, Әділ!

Сегізінші алтын медальдің иегері Ә.МҮТӘН биыл үшінші сыныпты тәмамдады
— Спорт десе, ішкен асын жерге қоятын балалар көп. Шіркін-ай, барлық ұлдар дәл осылай жанып тұрса ғой, әскерге жарамайтын бозбала болмас еді-ау! — дейді ақсақалдар терең дем алып. Шынында да ауылымызда қазақша күресте жауырыны жерге тимеген Әділдей ұландар қатары өсіп келеді. Сондықтан, ертең-ақ аталарымыздың арманы орындалады деп сенеміз. 3 «а» сыныбын ойдағыдай тәмамдаған Әділ аудан бойынша 7 дүркін чемпион атанса, облысаралық сайыста 1-орынды иеленіп, алтыннан сегізінші алқа тақты. Бұл — оның екінші алтын медалі.
Асылбек ӘЗІЛСАРЫ, Әл-Фараби атындағы гимназия.
Алматы облысы.