ЛОГОПЕДИЯЛЫҚ ЖАТТЫҒУЛАР (ОЙЫНДАР)

***

Ең, ең, ең,

Ауыл біздің кең.

Ең, ең, ең,

Қарсыласты жең.

***

Өң, өң, өң,

Биік емес қой дөң.

Алға қарай ұмтылып,

Өрмелегенің жөн.

***

Аң, аң, аң,

Ғажайып екен маң.

Аң, аң, аң,

Атып келеді таң.

***

Ар, ар, ар,

Далада бар қар.

Ер, ер, ер,

Міне, жайлы жер.

***

Ыр, ыр, ыр,

Қызғалдақты қыр!

Ыр, ыр, ыр,

Жатта тақпақ,  жыр.

***

Тұр, тұр, тұр,

Кітапқа мойын бұр.

Тр-р, тр-р, трактор,

Трактор жұмыс сұрап тұр.

***

Үн,  үн,  үн,

Міне жарық күн.

Үн,  үн, үн,

Бұл қараңғы түн.

***

Са, Са, Са,

Дыңылдайды маса.

Ра, ра, ра,

Жаттығуды жаса.

***

Аз,  аз,  аз,

Көлде қоңыр қаз.

Ары-бері жүзеді,

Жағасында саз.

***

ра, ра, ра,

Бұл құмыра.

Құмыраны аламыз,

Ішіне бал саламыз.

***

Ша , ша , ша,

Әйбат Алаша.

Алашада оюлар,

Неткен тамаша!..

***

Таулы орманда маңға,

Шығайық жүр, аңға.

Аңшы болсаң, кәнекей

Ас-суыңды қамда.

***

Мынау, міне, дәрі,

Түсі оның сары.

Іш ауырса ішеді,

Балалардың бәрі.

***

Мынау пальто кең,

Ұзын екен жең.

Басқа бутик қарайын,

Шағын таңдап алайын.

***

Мынау міне, тарақ,

Шашыңды ал тарап.

Қойған дұрыс, балақай,

Айнаға да қарап.

***

Қолға қамшы аламын,

Атқа мініп шабамын.

Мен тісімді жуамын,

Микробтарды қуамын.

***

Рюкзагымды аламын,

Мен бақшаға барамын.

Апайымды тыңдаймын,

Балаларды ұрмаймын.

***

Мен бақшамды сыйлаймын,

Ойыншықты жинаймын.

Тізіп қоям қатарға,

Көмектесем апайға.

***

Кітапқа да қараймын,

Санамақ та санаймын.

Ермексаздар тамаша,

Қызығамын қарасам.

***

Қолда түсті қаламым,

Кейде сурет саламын.

Күні бойы ойнаймыз,

Ойынға біз тоймаймыз.

***

Қолымызда добымыз,

Лақтырамыз оны біз.

Ойын қызық доппенен,

Ойын қызық топпенен.

***

Әткеншекке мінеміз,

Тербелеміз күлеміз.

Тұрмаймыз ғой құр қарап,

Кейде аламыз сырғанап.

***

Қуалаймыз қашамыз,

Шаршамаймыз аса біз.

Түскі үзіліс жатамыз,

Тәтті ұйқыға батамыз.

Зеберкүл Шардарбекова

Алматы қаласы, Жас қанат ықшам ауданы, 1\18 үй