Қаһарман ұлы қазақтың

Украина жерінде
Шешпестен төрт жыл белін де,
Ерлікпен өшпес шайқасқан
Өкіртіп жауды көрінде.
Қайырмасы:
Артқанда үміт ел сеніп,
Фашисті жеңген еңсеріп.
Қаһарман ұлы қазақтың
Партизан Қасым Қайсенов.
Партизан Қасым Қайсенов.
Тапсырма алып Ковпактан,
Ерлігіменен дос тапқан.
Сенімін артып жаугер ел
Отрядын да бастатқан.
Қайырмасы.
Тек жеңіс болып басты арман
Қар төсеп, мұзды жастанған,
Ерлігі ұлға үлгі боп,
Атағы асар асқардан.
Қайырмасы:
Артқанда үміт ел сеніп,
Фашисті жеңген еңсеріп.
Қаһарман ұлы қазақтың
Партизан Қасым Қайсенов.
Партизан Қасым Қайсенов.
Адина ЕРҚАРАЕВА.