Алғыр Алуа

Жамбыл облысы, Байзақ ауданы, Амангелді атындағы орта мектебінің 8 сынып оқушысы Өксікбаева Алуа 2024 жылы 13 қазан күні Шымкент қаласында өткен «Жауқазын» өнер байқауына қатысып 1-орын иеленіп, Түркияның Стамбул қаласында өтетін «Ipek Yolu» Түркі әлемі балалар өнер фестиваліне жолдама алды.

Бұл байқауға әлемнің түкпір-түкпірінен келген жас дарындар қатысып, өздерінің шығармашылық қабілеттерін көрсетті. Қатысушалар арасында Өксікбаева Алуа халықаралық «Ipek Yolu» Түркі әлемі балалар өнер фестивалінде ел намысын абыроймен қорғап, өнерімен ерекшеленіп бас жүлде иеленді. Қазақстандық талантты Алуа бұл байқауда ел мерейін үстем етті. Ол өз өнері арқылы қазақ халқының бай мәдениеті мен ұлттық құндылықтарын танытып, әділқазылар мен көрермендердің зор ықыласына бөленді. Сонымен қатар Туркия тәуелсіздігінің 101 жылдығы және Қазақстан тәуелсіздігінің 33 жылдығы құрметіне халықаралық Түрік өнері балалар фестивалінің медалімен марапатталып, Біріккен Араб Әмірліктерінің Дубай қаласында өтетін «Art Dubai» жастар өнер байқауы фестиваліне жолдама алды.
Бұл жеңіс – жас өнерпаздардың қажырлы еңбегі мен олардың жетекшілерінің Альжанова Нурсая Ахмедияевнаның табанды дайындықтарының нәтижесі. Сонымен қатар, Қазақстанның өнер саласындағы жаңа буынының әлеуетін көрсеткен маңызды жетістік болып табылады. Алар асуларың көп болсын, Алуа!…

Ж.Азимкулова, Жамбыл облысы, Байзақ ауданы,
Амангелді атындағы орта мектебінің тарих пәні мұғалімі