Латын әліпбиіндегі шығармалар

Sálem, balalar! Biz el bolyp latyn árpine kóship jatyrmyz. Bizdiń jýrnaldyń úlesi retinde búginnen bastap senderge qazaqtyń aqyn-jazýshylarynyń shyǵarmalaryn latyn tilinde jarıalaıtyn bolamyz. Oǵan qosa, senderdiń shyǵarmalaryńdy da latyn árpimen shyǵaramyz. Endeshe, óleń, áńgimelerińdi latyn árpimen qatesiz, ustazdaryńa teksertip, bizdin elektrondy pochtaǵa jiberińder.

Juregimniń tubine tereń boila

Juregimniń tubine tereń boila,
Men bir jumbaq adammyn, ony da oila.
Soqtyqpaly, soqpaqsyz jerde óstim,
Myńmen jalǵyz alystym, kiná qoima.

Abaı Qunanbaev

Úsh baqytym

Eń birinshi baqytym – Halqym meniń,
Soǵan berem oıymnyń altyn kenin.
Ol bar bolsa, men barmyn, qor bolmaımyn,
Qymbatyraq altynnan narqym meniń.
Al ekinshi baqytym – Tilim meniń,
Tas júrekti tilimmen tilimdedim.
Keı – keıde dúnıeden túńilsem de,
Qasıetti tilimnen túńilmedim.
Baqytym bar úshinshi – Otan degen,
Qudaı degen kim dese, Otan der em!…
Oty sóngen jalǵanda jan barsyń ba?
Oılanbaı – aq kel daǵy ot al menen.

Muqaǵalı Maqataev

Bir toıym bar

Bir toıym bolatyny sózsiz meniń,
Dál qaı kúni ekenin aıta almaımyn.
Biraq… biraq…Eshkimdi de bıletpeı qaıtarmaımyn.
Onda ortaǵa tastalar uran sondaı:
Qaıta almaıdy qartyń da bir án salmaı,
Jıyrma bestiń bárin de sabyldyrtam,
Kempirlerge qyz kúnin saǵyndyrtam…
Sábılerge aǵany úlgi etemin,
Jeńgeılerdiń toltyram gúlge etegin.
Meniń jarym bul túni kirpik ilmeı,
Aq kóńilimen qýanysh búrtigindeı,
Omyraýynan bir táýir shaıqap esip,
Ajyrasqandy júredi qaıta qosyp.
Men ózim de án salam tún aýǵansha,
Meniń janym bul kúnge qumar qansha!
Báıgi berem jyǵylǵan palýanǵa da,
Adaldyǵy sezilip turar bolsa.
Qyz qýatyn jigitke at beremin,
Janam degen júrekke ot beremin.
Men áıteýir bar jıǵan-tergenimdi
Bir tamasha toı qylyp ótkeremin.
Bizdiń úıdi sol kúni betke al qaýym,
Nysanaǵa ap qýanysh toqtalmaýyn.
Men bul toıdan tileımin jylap turyp,
Qazanymda bir asym et qalmaýyn,
Men sóıtip bar shańnan bir silkinemin,
Men sóıtip raqattanyp bir kúlemin.
Kim bilsin talaı kúngi armanym ed,
Máńgilik tarqamaýy da múmkin onyń.

Tólegen Aıbergenov